Paraulas Subèr Albèrt

Aquí las paraulas deu grop de Bearn Subèr Albèrt, qu'estó tornat editar en CD i a gaire, e que conselhi de crompar, 10 euròs es pas enòrme e vau lo còp !

TABLEU D'UA MUSTRA/OMPRA O SÓ

Gai e calor que'us èi au còr de bon matin
Que me'n vau tà véder la mustra,
-Gormand de Pelerin,
Vesitar tablèus e dessins
D'un gran artiste amic vesin.
-Minja un bocin !

Malaia en arribar au centre culturau
Milèrs de monde atrassats
-Que n'ei malau,
Pensèn com io e qu'ei atau
Que'm trobèi en coda-li-sèga.

Que n'èi pro, que n'èi pro
Plan hartèra de la hourrèra
Pro plan plan, plan pro pro
Que n'èi hartèra, que n'èi pro !

Au cap d'ua òra de paciéncia e de labor
Que passèi la pòrta d'entrada
-Quinha calor !
Que'm caló tà aver valor
Préner un bilhet a trente liuras.
-Dolor, dolor !

Hens lo palais de la mustra totun entrat
Que volói espiar los tablèus
-Pecat, pecat
Malaia s'èran estujats
Darrèr ua coada d'apielats.

Pès esglachats, uelhs fatigats e còth croishit
Que m'èi crompat lo catalòg,
-E qu'a veishit
De la mustra qui n'avi vist
Qu'a truvèrs renhas e devis
-Bis, bis, bis, bis !

D'acòrd ! Que'vs hèi enquera un aute copletòt
Tà partir qu'estói escanat
-Praubòt, praubòt
Per la coada de carriòths.
Qu'estó parièr un beròi dia. Alleluia !


BIARNES CAP E TOT

Jamei n'ei vist tau herumi
Com un biarnes cap e tot.
Devath lo bonet noste òmi
N'i ved pas arren s'en fot.

Haut, Biarnés, tira't la prova,
Torna-te vestir de nau,
Haut, Biarnés, escoba, escoba,
Ne't herà pas briga mau.

Que s'a prés per Diu la vaca,
Nada pigueta ne'u cau.
Com era que s'arromèga
Cen còps abans har deu mau.

A l'enténer tornar díser
Hilh de puta a d'arron,
Vedetz monde çò qui pensa
De las hemnas qui a autorn.

Quan son mei d'un que's pelejan
Tà saber, e qu'ei normau,
Qui ei lo mei Biarnés de raça,
Ni charnego ni d'Aussau.

Que's pensa bahida enquera
Que la patria sauvar,
Que'i de s'apotjar tà Siròs
Un còp l'an entà cantar.


ARRAT EN CAP

Tant avè plavut !
Tota la nuèit qu'at avi entenut,
Soi anat pishar,
Un arrat que m'espià
E qu'a dispareishut.

Vam, lo paraploja,
Ent'anar béver un chicolat,
Puta de ploja !
E l'arrat, estancat
Que m'espiava caminar.

Adiu Albèrt, balha'm un chicolat
E dus panèths cornuts dab bure.
Çò qui a de nau ? Arren de nau.
Que ? Los gendarmes e son vienuts !
Hè ? Que cercavan un arrat ?
E poish telefonar ?...non, un rendetz-ve.
As vist la gojata asseuda acerà,
E saps qui ei ? Non ?
Que ? Qu'a dit aus gendarmes
Qu'ave vist passar aqueth con d'arrat,
Hé ? Qu'eran dus arrats !

E que'm soi tornat,
Un còp bevut lo chicolat e telefonat,
Mes l'arrat, estujat,
M'espiava, que'm seguiva.

Ne t'esvagis pas,
Hé com si ne l'avès pas vist,
Hala shens paur.
Mes l'arrat, ahamiat, m'espiava
E qu'arridè.

-Salut, Albèrt, digó l'arrat.
Aqueth chicolat
E los panets cornuts dab bure,
Que'us as en truvèrs, non ?
-Arrèsta, con d'arrat,
Que vau anar cuèlher los gendarmes !
-Doceja, albèrt e escota'm.
As vist la gojata seduda acerà ,
E saps qui ei ? Non ?
Ua hada qui vòu har l'amor
Dab tu gojat, tu qui l'agradas
Que't vòu miar entà har l'amor
Au gran paradis de las hadas.


N'ESPIIS PAS TANT

N'espiis pas tant
Baishar lo sor
A boca de nuèit.
De l'aut'part de tèrra
Se'n va har topins.
Quinha estranha hèira
Que la deus chagrins !

Aqueth cèu de huec,
Tant berojin
Arren mei que l'adiu
Deu devís deu dia,
Mòrt de chagrin.
Be lusiva la via
Deu de qui ei la fin !

Espia lo broth,
Lucaire curiós
Hilh de l'aubeta.
Traucaire valent
Ahamiat de véder
Quinh donc bohar lo vent
Hòra l'ostau de seda.

Lua darrèr lua,
Qu'atenó sapar la vita.
Tu qui uèi puntejas,
Broth deu matin,
Per lègas e lègas,
Amuisha'm lo camin.


18, CARRERA DE TOT DIA

Un còp de pericle sus lo men topinet
M'a deishat lo tistèth din esvarjat.
Adara de cap me'n demòra pas chiquet
Qu'èi o cervethòt qui'm sembla macat.
E quan los autes e se'n ploran
Jo, jo que m'en aridi !

La mair que s'apoja dab sa sonsaina
Que'm va copar lo cap com at sap har.
Vam çò qui vau díser a d'aquera aranha ?
Plan s'escaderé de har la plorar !
Quiò, quan la mair e s'en plora,
Jo, jo que m'en arridi !

Porriquetòt, Miqueletòt, çà'i minjar
Minjar la sopa cauta
E la caisha de lèit
La qui va borrir lèu,
Porriquetot, Miqueletòt.
Jimi, lo ton hrair,
Que l'èi hèit còser dab la lèit
Porriquetot, Miqueletòt, çà'i minjar.
Béver la lèit qui èi hèita.

Tiratz-ve de'quiu que soi jo qui arribi
Soi lo mei bèth òmi de'queth quartièr.
Jamei un maishant plec a la camisisi
Los gelós cornards que'm disen sorcièr.
E quan las hemnas m'espian
Las vèi càder autalèu.
Que sèi quinh cau har tà plàser a las fumèlas,
Demorar usclar, tostemps plan cohat,
Marchar hèra a d'aisa, lhevar las semelas
Har deus uelhas, avisà's a la santat.
Quan los òmis que m'espian
Los vèi huèger autalèu.

As vist aqueth, mes qui ei aqueth babau ?
Qu'a la cuja motha.
Que diserén que s'a avav avalat un tojar.
As vist aqueth, mes qui ei aqueth ?
Lhèu qu'a paur de copar los ueus
Qui son sus lo sòu.
As vist aqueth, mes qui ei aqueth babau.
As vist aqueth malau ?

Salopèr de temps enqüera la ploja !
Ne'm brembi pas mei de quinh ei lo sor,
Crumas a pielats e aubeta roja
At va lèu deishar, mes quinha labor.
Quan los autes e s'arriden,
Jo, jo que'n plori ai !
Pas com l'an passat on estó la sequèra,
Même los limacs qu'estón dessecats
Tres mes shens gotina que n'i avó hartèra,
Ua maishanta pausa aqueths mes passats.
Quiò, quan los auts e s'arriden,
Jo, jo que'm plori ai !

Jamei content, tostemps dolent, aisit !
Pisha-vinagre, aganit.
Ne seré pas au men lo qui'n hé pas arren ?
Jamei content, mes tostemps dolent.
Si as paur a la bruma doça deu matin neishent,
Jamei content, tostemps dolent, adiu,
Pisha-vinagre prendiu.


LA HILHA DEU PASTOR

La hilha deu pastor
De matin s'ei lhevada
A pres sos blancs motons
Au bòsc se n'ei anada.
Quan ei estada au bèth miei deu bosquet,
Lo lop s'a prés
Lo mei bèth deus anhets.

-Mon Diu que harèi jo
Quan lo mei pair at sabia ?
Il me dira : Qu'as-tu fait
De l'agneau
Celui qui était le plus beau du troupeau ?

-La perte d'un agneau n'est qu'une bagatelle
Viens t'en dans mon château
Tu seras demoiselle,
Tu porteras au lieu de tes haillons
La frange en or au fond de ton jupon.

-Nanni, nanni, Mossur,
N'aimi pas lo fringatge.
Qu'èi un pastor
Tant charmant, tant gaujós,
Qui's moriré shens
Las mias amors.

-Va-t'en sauvage,
Va-t'en dans l'ermitage.
Puisqu'aujourd'hui
Tu refuses mon coeur,
Va-t'en chérir
Celui de ton pasteur !


L'AUTE DIA HENS LA HORRERA

L'aute dia hens la horrèra la qui s'en va au tribalh
Qu'encontrèi ua bergèra qui m'espiava com un miralh
Aquiu que'm digoi charmant garçon
Sauta deu bus e au burèu de tira a gaucha
Aquiu que'm digoi charmant garçon
Ve'n li cantar ua cançon

Quinh va ? Que va !

Tà pláser a la bergèra que'm hèi a li devisar
Quinh hètz tà'vs trobar tan bèra au moment de tribalhar
Aquiu que'm digoi charmant garçon
Sauta deu bus e au burèu de tira a gaucha
Aquiu que'm digoi charmant garçon
Estanca aquiu ta cançon

Quinh va ? Que va ?

A l'estanc de Laherrèra qui ei au ras deu men tribalh
Que m'èi deishat la bergèra qui s'espiava en son miralh
Aquiu que'm digoi charmant garçon
Sauta deu bus e au burèu de tira a gaucha
Aquiu que'm digoi charmant garçon
Cau cercar ua auta cançon

Quinh va ? Que va !

Mes un dia hens la horrèra la qui se'n va au tribalh
Que'm sederèi au ras de la bergèra
Que m'espierà com un miralh
Que'm diserà charmant garçon
Sauta deu bus e au burèu de tira a gaucha
Que'm diserà charmant garçon
Hè'm plaser, canta ta cançon.

Quinh va ? Que va !


QUAN MARION

Quan Marion se'n va au molin
Dab sa quenolha de lin
Carca son sac sus l'aine,
Litiaine, Lition
Carca son sac sus l'aine
La bèra Marion.

Pendent que lo molin molè
Marion n'èra dab lo molièr
Lo lop s'i minja l'aine
Litiaine, Lition
Lo lop s'i minja l'aine
La bèra Marion.

« Molièr que'm pòrtas un gran tòrt
Adara que mon aine es mòrt,
Que va díser mon òmi
Litiaine, Lition
Que va díser mon òmi
La bèra Marion.

-Dens mon bosset quèi cinc escuts
Pren te'n donc tres e dèisha me'n dus
Ven te'n crompar nh'aut'aine
Litiaine, Lition
Ven te'n crompar nh'aut'aine
La bèra Marion.

Quan lo son òmi la vi arribar
D'arríder ne's podó empechar
« Aquò n'ei pas nost'aine »
Litiaine, Lition
« Aquò n'ei pas nost'aine »
La bèra Marion.


LO PANISSÈR

Lo panissèr, lo qui apèran bolantgèr
Passa sa nuèit au prestidèr
A panisejar dab lo borridèr,
Blanc coma nèu lo bolantgèr.
E si un dia lo borridèr
E'u minjava la vita los dits
Las mans e la botica ?

Panissèr, panissèr,
Meshida't deu borridèr !

E saps quau ei lo men saunei ?
Minjar peishòtas au bèc deu pomèr.
Avisa t'i, disè lo bolantgèr,
Que's pòden parier escanar
Qu'at ei !

Lo carnicèr, lo qui aprèan bochèr
Trancha a trancha, trenca un quartièr
A trencar dab un cotelàs
Roi com la sang lo carnicèr.
E si un dia lo cotelàs
E'u trencava la vita, los dits
Las mans e la botica ?

Carnicèr, carnicèr,
Meshida't deu cotelàs !

E saps quau ei lo men saunei ?
Minjar peishòtas au bèc deu pomèr.
Avisa t'i, disè lo carnicèr,
Que's pòden parier escanar
Qu'at ei !

Lo tracassièr :
Tostemps parièr, tostemps parièr,
Mic, ne'm vaga pas mei de har arren,
Tè l'aut'dia que'n soi estat malau
Mes malau, hè
Qu'èri sedut aciu a Pau a léger lo jornau...

E si un dia lo tracassièr e's minjava
La vita los dits, las mans e la botica ?


LOS COCUTHS

Dus cocuths que ns'em trobats
Per aquesta velhada.
Mei e seram si a Diu platz
Si açò dura guaire.
Sauta, cocuth, sauta,
De l'un cocuth a l'aute
Tu, cocuth darrèr vienut,
Ve'n te cuélher, ve'n te cuélher
Tu, cocuth darrèr vienut,
Ve'n te cuélher un aute cocuth.

Adishatz donc lo gran cocuth,
A la bona òra qu'etz vienut,
Vente curat e nàs agut.
Tira compair tira,
Lo gan cornard qu'arriba.
Qu'avem tirat e arretirat,
Lo gran cornard qu'ei arribat.


JULIA

Entertant que Julia
Tant per tant s'adromiva,
Clucant sas perperinas
En bohar tot shoalinas,

Un mosquilh deu solèr de la crampa
Vien chacar l'aurelha de Simin,
Hens l'escurèr que cerca la lampa
Nh'auta borrocha suu dit minin.

Julia qui drom aquiu au ràs
Jamei au son torn ne's hè chacar
I a parièr quauqu'arren qui ne va pas !
-Chò, Simin, la cau pas desvelhar.

Julia s'arrevirà
Cap a nh'aute saunei
Tot dòi perpelejà
Entà dromir din mei

Quilhat, maishant, Simin qu'ei tot nervis
A cercar lo mosquilh mauhasèc,
Lo qui s'arrossèga lo son devís,
Tà l'empachar de dromir, au men !

Julia qui drom...

Julia qu'orbi los uelhs,
S'èra plan repausada.


PER AQUERA CARRERINA

Per aquera carrerina
Passa la bicicletina
Pèrd l'arròda de devant
Que'm copi lo nàs, vivant !
Que pisha sanc e moquira
La segonda arròda vira
Lo nàs que'm hè per Diu mau
E que'm hè mau e que'm hè mau
AI ! Ai ! Ai ! Ai !

Que'm hè mau...
Que'u hè mau...

Per aquera carrerina
Pass'auta bicicletina
Pèrd l'arròda de darrèr
Que pisha moquira e sanc
Qu'ei tot verd e qu'ei arranc
A d'arríder jo que'm foti
Jo que'm foti, jo qu'em foti
Fut ! Fut ! Fut ! Fut !

Jo que'm foti...
Clafotí...

Per aquera carrereta
Passa la damiseleta
Dens ua veitura blanca
La damisèla s'estanca
E vien d'un pas elegant :
« Que v'ei arribat, pagants ? »
Nosauts ne sabem que díser
E que díser, e que díser ?
Euh ! Euh ! Euh ! Euh !

Dèisha díser
Dèisha'm díser en camisa

Per aquera carrereta
Que passà la veitureta
La damisèla devant
Qui miava en se trufant
E nosautes per darrèr
Espiant de cap au solèr
Dab sengles nàs qui hèn mau
E qui hèn mau e qui hèn mau
Ai ! Ai ! Ai ! Ai !


DUS PASTORS A L'OMBRETA

Dus pastors a l'ombreta
Que hasèn un boquet.
L'un cuelhè la vriuleta
E l'aute lo muguet.
Jo qu'aimi l'immortèla,
Mèi que las autas flors,
Com ei tostemps fidèla,
Atau son ams amors.

Un boquet de vriuletas
Que me n'avès enviat.
Diu d'aqueras manetas,
Tan plan l'avèn troçat !
Dab cordonet de seda,
E dab l'espingla d'aur,
Diu d'aqueras manetas,
Que valen un tresaur.


BABAU

Que demora au ràs de l'ostau,
A noste que l'aperam Babau,
Hens un clòt au hons deu casau,
Qui ei despuish dijaus Babau.

Que m'a dit, entà'm sauvar de tot,
Que calè lèu que prenossi broths
De sègas bluas deu més d'aost,
Tà ne tirar sonque lo medoth.

A jo, ne'm hè pas paur, lo Babau,
Qu'amainadè quate babolets.
Ne crèi pas que'm poishqui har deu mau,
Qu'a potonejat sons hadets.

Las sègas bluas, tà las cercar,
Que cau pujar au bec de l'om,
Sautar e córrer tà s'enhonçar
Cavath la sèuva au mei pregond.

A jo, que m'agrada mei non pas tornar
Que lo mau de garganta !

Merce plan, las botarai en linha tre que possible.
Se contunhas coma aquò, te nomarai fornissaire oficial de Paraulas en Òc !